Ruta M Kazetarientzako Gida

DESKRIBAPENA

Ruta M kazetarientzako Gidaliburu bat da, nola eman gatazka eta egoera humanitarioen berri genero-ikuspegiarekin, azterketa Palestinako lurralde okupatuaren kasutik abiatuta.

Askotan, komunikabideek gatazka eta krisi humanitarioen irudikapen partziala eta estereotipatua ematen dute.

Palestinarren eta israeldarren arteko gatazkaren eta hortik eratorritako krisi humanitarioaren testuinguruan, emakume palestinarrei buruzko imajinario kolektiboa hainbat eragile sozializatzailek sustatutako pertzepzio kulturaletan oinarritzen da, eta horiek orokortzaileak, partzialak eta zehaztugabeak izan ohi dira.

Gidaliburu hau Lola Morak eta Pikara Magazinek egin dute, beren ezagutza, jakintza, esperientzia eta kazetaritza feminista eta genero-ikuspegia oinarritzat hartuta.

HELBURUAK

• Palestinako errefuxiatuen egoerari buruzko kontzientzia feminista eta ezagutza kritikoa duen euskal gizartea eraikitzen laguntzea, genero-ikuspegietatik abiatuta eta Giza Eskubideetan oinarrituta.
• Testuinguru humanitarioei eta gatazka-testuinguruei buruzko informazioaren tratamendua genero-ikuspegitik sustatzea, estereotipoak desegiten laguntzeko, isildutako istorioak ikusarazteko eta emakumeen ikuspegi emantzipatzaile eta ez-estereotipatua transmititzeko.

BALIABIDEAREN BESTELAKO INFORMAZIO GARRANTZITSUA

Bidaia-koadernoa doan deskarga daiteke esteka honetan:
https://www.tejiendoredesdemujeres.org/images/documentacion/unrwa-ruta-m.pdf