Ikastetxeko bizikidetza hobetzeko aholkularitza

DESKRIBAPENA

Bakeolak ikastetxeei bizikidetza hobetzen eta bertan sortzen diren gatazken kudeaketan laguntzen die.

Zerbitzu honen baitan eskaintzen diren zerbitzu batzuek hauek dira:
· Ikastetxeko bizikidetza diagnostikoak garatu.
· Ikastetxeko arautegia berrikusi.
· Bullying-jazarpen eta ziberbullying kasuetan aholkularitza eta eskuhartzea egin.
· Bizikidetza Behatokietan laguntza eta dinamizazioa eskaini.
· Bizikidetza Planaren berrikuspena.
· Eskolako bizikidetza hobetzeko egitasmo ezberdinak diseinatu eta garatzen lagundu: ikastetxean buruturiko bitartekaritza, egitasmoak, gune hezitzaile gisa patiorako egitasmoak, e.a.

HELBURUAK

• Beharrizanen diagnostikoa egitea. Ikastetxeko gatazkak jorratzea.
• Bake Hezkuntza, Giza Eskubideei buruzko Hezkuntza eta antzeko programen diseinuan eta garapenean laguntzea.
• Bizikidetza Planak diseinatzea eta aholkularitza ematea Eskola Bizikidetzako Behatokiak dinamizatzerakoan.
• Bullying kasuetan aholkularitza esku-hartzea garatzea. Bitartekaritza prozesuak garatzea.

IRAUPENA ETA METODOLOGIA

Ikastetxeak berak zehazten duen plangintzaren araberako esku-hartze eta iraupena. Ikastetxeak bizikidetza hobetzeko sustatu nahi dituen programak aztertzen ditu bai Behatokiaren bidez, bai planaren bidez edo bizikidetza taldearen bitartez.

Era horretan, ikastetxe bakoitzak erabakiko du egokien datorkion programa mota.

BALIABIDEAREN BESTELAKO INFORMAZIO GARRANTZITSUA

Programa honen oinarria argi izanda, ikastetxe bakoitzak bere errealitatera egokitzen du eta Bakeolatik aholkularitza eskaintzen zaio ikastetxeko arduradunei, egitasmoa ikastetxeko bizitzan txertatzeko.

Esku-hartze kategoriaz gain, baliabide honek sentsibilizazio- eta prestakuntza-ekintzak ere aurreikusten ditu.